Тайваньд цочир хүйтэрснээс 57 хүн нас баржээ | News.MN

Тайваньд цочир хүйтэрснээс 57 хүн нас баржээ

Хуучирсан мэдээ: 2016.01.25-нд нийтлэгдсэн

Тайваньд цочир хүйтэрснээс 57 хүн нас баржээ

Тайваньд цочир хүйтэрснээс 57 хүн нас баржээ

Дулаан уур амьсгалтай Тайваньд гэнэтийн хүйтэн агаарын урсгалын нөлөөгөөр температур огцом доошилжээ. Агаарын хэм огцом өөрчлөгдсөнөөс шалтгаалсан өвчлөлөөр Тайваньд 57 хүн нас барсан байна. Тайваньд нэгдүгээр сард дунджаар Цельсийн 16 С байдаг боловч өнгөрсөн амралтын өдрөөр цочир хүйтэрч 4 С болж буурсан байна. Гэхдээ маргааш агаарын хэм Цельсийн 17 С байхыг цаг уурын албанаас мэдээлжээ.

Агаарын хэм огцом өөрчлөгдсөнөөс Тайбэйд 40 хүн, Шинэ Тайбэй хотод 17 хүн нас барсны олонх нь өндөр настнууд аж. Шинэ Тайпей хотын захиргаанаас орон гэргүй 91 хүнд хоноглох майхан өгч тусалсан байна.

Хүйтэн агаарын урсгалын нөлөөгөөр Тайбей хотын уулархаг газраар 9 см зузаан цас орсон аж. Үүний дараа цас үзэхийг хүссэн хүмүүс Тайбэй хотын уулын замуудад түгжрэл үүсгэсэн гэнэ.

Хүйтэн агаарын урсгал Зүүн Өмнөд Азийн бусад орнуудад ч ажиглагдсан юм. Тухайлбал Хонгконгод өнөөдөр /I.25/ сургуулиудыг хааж, ууланд гацсан 130 хүнийг аврах ажиллагаа явуулжээ. Хонгконгод ням гаригт агаарын хэм Цельсийн 3 С болж буурсан байв. Түүнчлэн Өмнөд Солонгосын Чэжү аралд их цас орноос онгоцны нислэгүүд саатжээ.

Б.АНХТУЯА

Эх сурвалж: ASSOCIATED PRESS

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж