Үйлдвэрчний эвлэлийн соёлын төв ордонд мэргэжилтэй боловсон хүчнүүд ажлын байр хайж цуглараад байна. “Ажил амьдралын гараа” нэртэй хөдөлмөрийн яармаг өнөөдөр нээлтээ хийж, энэ жил их дээд сургууль төгссөн болон мэргэжлийн сургалт төгссөн мэргэжилтнүүд өөрсдийгөө танилцуулж буй юм. Харин ажил олгогч эзэд эндээс ажлын байранд авах хүнээ сонгох юм.

Өмнө нь удаа дараа зохион байгуулж байсан хөдөлмөрийн бирж ажил олгогч эзэд ажлын байр санал болгож, ажлын байр хайсан хүмүүс сонгодог байсан бол энэ удаагийнх арай өөр. Ажил хайгсад өөрсдийгөө танилцуулж, харин эндээс ажил олгогч нар ажилтнаа сонгох юм. Хөдөлмөрийн яармагийг Нийгмийн хамгааллын хөдөлмөрийн яам, Ажил олгогч эздийн холбоо, Хөдөлмөр, халамж үйлчилгээний газар зэрэг байгууллага хамтран зохион байгуулж буй бөгөөд яармаг хоёр өдөр үргэлжилнэ.