Баянгол дүүргийн 10 дугаар  хорооллын уулзвараас Саппорогийн тойрог хүртэлх замын баруунаас зүүн тийш чиглэлтэй хөдөлгөөнийг өнөөдөр өглөө нээлээ. Уг замын засварын ажлыг “Тотал Инж” компани нийслэлийн төсвийн хөрөнгөөр хийж гүйцэтгэсэн байна. Замын шинэчлэл хучилтын ажил тус чиглэлд долоо хоног үргэлжлэх байсан ч хугацаанаасаа өмнө дуусчээ. Таван шарын төмөр замын уулзвараас Сонсголонгын уулзвар хүртэлх замын засварын ажлыг улсын баяр наадмын өмнө дуусгах төлөвлөгөөтэй байгаа аж.