Маргааш /IV.18/ Бейонсигийн дөрөвдэхь цомог албан ёсоор худалдаанд гарна. Дуучин Бейонси шинэ цомгийнхоо дуунуудаас хамгийн түрүүнд зургадугаар сарын 26-ны өдөр Лос Анжелос хотноо болох 2011 оны “BET”-ийн шагнал гардуулах ёслол дээр дуулах юм. Тэрээр зөвхөн ая дуугаа өргөөд зогсохгүй энэ удаагийн ёслолд Рианна, Женифер Хадсон, Кери Хилсон, Марша Амбросиусийн хамт Шилдэг эмэгтэй “R&B” дуучны төрөлд нэр дэвшиж байгаа ажээ.

Ёслолын арга хэмжээний үеэр Бейонсигээс гадна Мери Жи Блайж, Келли Роулэнд, Трей Сонгз нар өөрсдийн ая дуугаа өргөх юм. Одоогийн байдлаар Жилл Скот, Алиша Кийс, Лил Вайн, Дрэйк, Крис Браун нар хамгийн олон буюу тус тус зургаан төрөлд нэр дэвшээд байгаа бол Кени Вэст, Дрэйк, Рианна нар тус тус дөрвөн төрөлд нэр дэвшжээ.