Мэргэжлийн теннисчдийн холбооны (ATP, WTA) энэ оны анхны тэмцээн Австрали тивд эхэллээ. WTA ангилал буюу мэргэжлийн эмэгтэй теннисчдийн холбооны 2016 Brisbane International тэмцээн Брисбэйн хотноо энэ сарын 3-ны өдөр эхэллээ. Тус тэмцээнд ОХУ-ын Мария Шарапова, Беларусын В.Азаренка нарын шилдэг теннисчид өрсөлдө байна.

Дэлхийн чансааны дөрөвт бичигдэж буй ОХУ-ын Мария Шарапова эхний тойрогт нутгийн теннисчин Е.Макароватай тоглохоор оноолт таарчээ. Мөн дэлхийн чансааг тэргүүлж явсан Беларусын В.Азаренка ОХУ-ын Е.Веснинатай тоглох бөгөөд хожсон тохиолдолд тэмцээнийг тэргүүлэн тоглож буй Румыны Симона Халептэй өрсөлдөх юм.

Ганцаарчилсан болон хосын төрөлд болж буй Брисбэйн нээлттэй тэмцээн энэ сарын 10-ны өдөр өндөрлөнө.

Ч.БОЛОР