Хуучирсан мэдээ: 2010.04.19-нд нийтлэгдсэн

Хакухо Монголд ирнэ

Мэргэжлийн сумо бөхийн холбооны 69 дэх их аварга Хакухо М.Даваажаргал ирэх тавдугаар сарын 31-нд эх орондоо ирэх ажээ. Энэ үеэр тэрбээр өөрийнх нь нэрэмжит болгон зохион байгуулж буй өсвөрийн сумочдын тэмцээнийг үзэж сонирхох бөгөөд зургадугаар сарын 1-ний өдөр тус тэмцээнд амжилттай оролцсон өсвөрийн сумочдод ёкозуна, озэки, сэкиваки, комүсүби цол олгож, гарын бэлгээ гардуулах юм байна. Өсвөрийн сумочдын тэмцээнийг “Болор Луу” продакшн, Монголын сумо бөхийн холбоо, Мэргэжлийн сумо бөхийн 69 дэх их аварга Хакухо М.Даваажаргал нар ивээн тэтгэн зохион байгуулж байгаа юм.  

Тэмцээний үргэлжлэх хугацаа:

-Ёкозүна Хакухогийн нэрэмжит “Ирээдүйн аваргууд” хүүхдийн сумо бөхийн наадмын бүртгэл   4-р сарын 15-наас эхлэн 3 долоо хоногийн хугацаанд явагдана. Тэмцээнийг 2010 оны 5-р сарын 08-аас 6-р сарын 01 хүртэл 4 долоо хоногийн турш зохион байгуулна.

Тэмцээний журам:

-“Ирээдүйн аваргууд” хүүхдийн сүмо бөхийн их наадам нь 9-11 нас, 12-13 нас, 14-16 насны ангиллаар явагдана. Наадам нь урьдчилсан тэмцээн, шигшээ тэмцээн гэсэн хоёр шаттайгаар зохион байгуулагдана. Наадмын шигшээ тэмцээнд шалгарсан шилдэг хүүхдүүдийн барилдаан тойргийн журмаар зохион байгуулагдана. Их наадамд амжилттай барилдсан хүүхдүүдэд хүүхдийн сүмо бөхийн цол олгоно. Цолыг олгох шалгуур нь барилдааны амжилт байна.

Ёкозүна:        100%-ийн амжилт /15 даваа/
Озэки:            95%- ийн амжилт /14 даваа/
Сэкивакэ:        85%-аас 95% хүртэл /12-13 даваа/
Комүсүби:        70%-аас 85% /10-11 даваа/

Тэмцээний шагналын сан:
-Нийт 12 сая төгрөгийн шагналын сантай уг тэмцээнд оролцогч хүүхэд бүрт тухайн наадмыг өөрийн нэрэмжит болгон явуулж байгаа сүмочийн дурсгалын гарын хээ, ил захидал болон ивээн тэтгэгчийн бэлгийг дурсгана.

Урьдчилсан барилдаан:
Тэмцээнд оролцсон бүх хүүхдэд ивээн тэтгэгчийн шагнал өгнө. Урьдчилсан барилдаанд шалгарсан хүүхдүүдэд дараах шагналыг олгоно:
    
1-р байр:         Алтан медаль 50,000 төгрөг шигшээ тэмцээнд оролцох эрх
2-р байр:         Мөнгөн медаль 30,000 төгрөг шигшээ тэмцээнд оролцох эрх
3-р байр:         Хүрэл медаль 20,000  төгрөг шигшээ тэмцээнд оролцох эрх
3-р байр:         Хүрэл медаль 20,000  төгрөг шигшээ тэмцээнд оролцох эрх

Шигшээ тэмцээн:
-Шигшээ тэмцээнд шалгаран оролцсон 48 хүүхэд сүмочийн дурсгалын зүйлээр шагнуулна. /плакат, сүмогийн календарь гэх мэт/ Шигшээ тэмцээнд амжилттай барилдаж, наадмын медальт байранд шалгарсан хүүхдүүдэд насны ангилал бүрт дараах шагналыг олгоно. Шигшээ тэмцээнийг ОУ-ын хүүхдийн баярын өдөр болох 6-р сарын 1 нд Сүхбаатарын талбай дээр зохион явуулж, Хүүхдийн сүмогийн цол, шигшээд барилдсан хүүхдүүдийн шагналыг Ёкозүна Хакүхо өөрийн биеэр ирж гардуулах юм.

1-р байр:         Алтан медаль, Японд аялах эрх
2-р байр:         Мөнгөн медаль 150,000 төгрөг
3-р байр:        Хүрэл медаль 100,000 төгрөг
3-р байр:        Хүрэл медаль 100,000 төгрөг

Тусгай шагнал:
Наадмын тэмцээний турш Монголын Спортын Сэтгүүлчдийн Холбоотой хамтран ажиллаж, дайчин гарамгай барилдсан  10 хүүхдийг шалгаруулж, тусгай шагналуудыг олгоно.
·    Ёкозүна Хакүхо Даваажаргалын нэрэмжит “Шилдэг бөхийн шагнал”
·    Ёкозүна Асашёорюү Дагвадоржийн нэрэмжит “Шилдэг бөхийн шагнал”
·    Озеки Ама Бямбадоржийн нэрэмжит “Дайчин барилдааны шагнал”
·    Кёкүшюзан Батбаярын нэрэмжит “Уран барилдааны шагнал”
·    Кёкүтэнхо Цэвэгнямын нэрэмжит “Гарамгай барилдааны шагнал”
·    Какүрюү Анандын нэрэмжит “Гарамгай барилдааны шагнал”
·    Асасэкирюү Дашнямын нэрэмжит “Техниктэй бөхийн шагнал”
·    Токитэнкү Хүчитбаатарын нэрэмжит “Техниктэй бөхийн шагнал”
·    Тамаваши Мөнх-Оргил нэрэмжит “Өсөх идэр бөхийн шагнал”
·    Хакуба Өнөржаргал нэрэмжит “Өсөх идэр бөхийн шагнал”
·    Моконами Базарсад нэрэмжит “Өсөх идэр бөхийн шагнал”

“Шилдэг бөхийн шагнал”-д ахлах болон бага насны хоёр хүүхдийг шалгаруулж тус бүр 50,000 төгрөгийн шагналыг өгнө. Бусад тусгай шагналуудыг 30,000 төгрөг дагалдана. Тусгай шагналуудыг сүмо бөхчүүд /эцэг эх/ өөрсдийн гарын бэлгийн хамт гардуулна.

Б.Энх

NewsMN Гар утасны хувилбар Татах
NEWS.mn

Мэдээллийн эх сурвалж