УИХ-ын Төрийн байгуулалтын байнгын хороо хуралдахаар товлосон ч ирц бүрдээгүй гэсэн шалтгаанаар хуралдаан эхлээгүй байна. Уг хуралдаанаар Сонгуулийн хуулийг хэлэлцэх ёстой. Сонгуулийн тухай хуулийн төсөл дээр ажиллаж буй УИХ-аас байгуулсан, бүх намуудын багтсан ажлын хэсэг өчигдөр хуралдаж, саналуудаа нэгтгэж, өнөөдөр Төрийн байгуулалтын байнгын хороогоор хэлэлцүүлэх байсан ч хуулийн төслийг намын бүлгүүд дахин хэлэлцэх шаардлагатай гэж үзжээ. Тийм учраас одоогоор УИХ-ын төрийн байгуулалтын байнгын хороо хуралдах эсэх нь тодорхойгүй байна. Мөн өнөөдөр хуралдах ёстой Төсвийн байнгын хорооны хуралдаан мөн ирц бүрэлдээгүй шалтгаанаар хойшилжээ.

Г.ТУУЛ