2008 оны долдугаар сарын 1-ний үймээний үеэр Соёлын төв өргөөний урд хэсэг шатаж, сүйдсэн. Гурван жилийн турш гунигтайгаар харлаж харагдах энэ хэсгийг хэн ч засалгүй өнөөдрийг хүрлээ. Гэтэл хажуухан талд нь “Сод монгол” групп Соёлын төв өргөөний Б хэсгийг мэдэлдээ аваад, өөрсдийн хүслээр нураахыг нь нурааж, засахыг нь засч байгаа харагдана. Соёлын төв өргөө бол 20 гаруй жилийн түүхтэй нийслэлийн өмчит барилга  байгууламж. Долдугаар сарын 1-ний гэгдэх үймээний дараа энэ барилгад үйл ажиллагаа явуулж байгаад эд зүйлсээ шатаалгасан хувь хүн, байгууллагууд дор бүрээ хохиролгүй болж, зам мөрөө бодсон бол Соёлын төв өргөөний энэ хэсгийг хэн ч засч, санаа тавилгүй гурван жилийн нүүр үзлээ.

Соёлын төв өргөөний өмнөхөн талд өдгөө МАХН-ын шинэ харш сүндэрлэж байгааг бид бүгд мэднэ. Түүнтэй залгуулаад бас нэгэн өндөр барилга шинээр босгосныг та харсан байх.

Эрхэм гишүүд, дарга нараас асууя. Соёлын төв өргөөг хэн, хэзээ засах вэ?