Хувцас загварын “Хайрын хурим” салон “Candy” хавар, зуны коллекцио энэ сарын 23-26-ны өдрүүдэд дөрөв хоногийн турш толилуулах гэж байгаа гэнэ. Хэдийгээр өөрсдийн нэрийг сүржнээр тунхаглаад байдаггүй ч Монголын улстөр, бизнес, урлаг соёлын алдартнууд тус салоны байнгын үйлчлүүлэгчид болоод амжсан. Тиймээс ч“Candy” фэйшн шоуны урилга энэхүү эрхэм хүндтэй үйлчлүүлэгчиддээ хэдийн тараагджээ.
“Хайрын хурим” салон зургаа дахь жилдээ үйл ажиллагаагаа явуулж буй. Дөрвөн жилийн өмнө “Зугтаасан үзэсгэлэн” хэмээх фэйшн шоу зохион байгуулж, шуугиан тарьж байсaн билээ. Сүр дуулиан дагуулсан уг шоу анх удаа Монголын бүх топ моделиудыг хамруулж моделиуд зугтаж байгаа мэт гоёмсог даашинзуудтай тайзруу гүйн гарч ирж байсан нь бусдаас өвөрмөц  онцгой болсон билээ. Үүнээс хойш зав чөлөөгүй ажилласаар өдийг хүргэсэн “Хайрын хурим” салоныхон хэсэг хугацаанд завсарласны эцэст хоёр дахь шоугаа тун удахгүй хийх гэж байгаа нь энэ. гэнэ “Candy” шоу ч мөн Монголын алдартай моделиудаар тайзаа чимж, чихэр мэт амтлаг загваруудаараа та бидний нүд, сэтгэлийг эзэмдэх гэнэ ээ.