Ховд аймгийн “Оюунлаг хөтөлбөр”-ийн хүрээнд “Оюун­лаг гэр бүл”-ийг өнгөрсөн  оноос эхлэн жил бүр уламжлал болгон шалгаруулж, олон нийтэд алдар­шуулж байгаа юм. “Оюунлаг гэр бүл” шагналыг угийн бичиг хөтөлсөн, оюун ухааныг дээдлэн, орон нутгийнхаа ард иргэдийн дунд үлгэр дуурайлал үзүүлэн хүндлэгдэж, үр хүүхдүү­дээ амьдрах ухаан сургаж, улс, нийгэм, бусдын төлөө гэсэн сэтгэлгээтэйгээр хөдөлмөрлөн амжилтанд хүрсэн гэр бүлд олгодог.

“Ховд аймгийн “2011 оны Оюунлаг гэр бүл”-ээр Мянгад сумын харъяат Цүлтэм овогтой Жарантайн гэр бүл шалгарчээ. Ц.Жарантай нь олон нийт болон боловсролын байгууллагад 40 гаруй жил ажиллахдаа түүхчилсэн тэмдэглэл, нийтлэлийн 10 ном, сонин сэтгүүлүүдэд 2000 гаруй мэдээ, тэмдэглэл, сурвалжлага нийтлүүлж, нэг кино зохиол, зургаан дууны шүлэг зохиосон байна. Гэргий С.Цийрэгзэн боловс­ролын байгууллагад 32 жил ажил­­лаж, олон нийтийг соён гэгээрүүлэх их үйлсэд амжилт гаргаж, төрүүлсэн үр хүүхдүүд нь яруу найраг утга зохиол , хэвлэл мэдээллийн салбарт оюуны арвин бүтээл туурвин нэр алдраа мандуулж, эх орныхоо хөгжил дэвшилд хувь нэмрээ оруулж байна.

Мөн Зэрэг сумын харъяат Пумаа овогтой Төмөрөөгийн гэр бүл, Жаргалант сумын харъяат Намсрай овогтой Дамбын гэр бүл тус тус шалгарсан байна.

“Оюунлаг гэр бүл”-ээр шал­гарсан дээрх гурван гэр бүлд аймгийн Засаг даргын батламж, 500 мянган төгрөгийн мөнгөн шагнал, дурс­галын зүйл гардуулжээ.