Баянбүрдийн аюулгүйн тойргоос дотогш зам хязгаарлагдсан тул зуслангийн чиглэлийн үйлчилгээг “Майхантолгой”, “Баянбулаг”, “Гүнт”, “Яргайт”, “Гоодойн ам” чиглэлд нийт 20 бага багтаамжийн автобусаар үйлчлэх, эцсийн зогсоолыг “7 буудал” байхаар болжээ. Санзай, Жигжидийн чиглэлд их багтаамжийн автобуснууд Бөмбөгөрөөс явах бол Шаргаморьтын чиглэлд Халдвартын эмнэлгээс мөн их багтаамжийн автобуснууд үйлчилж байна. Зуслангийн үйлчилгээг өчигдрөөс чиглэл тус бүрт хоёр автобус явуулж, зорчигч урсгалын хэмжээнээс хамааруулан автобусын тоог тухай бүрт нэмэгдүүлэх арга хэмжээг авна. Зуслангийн чиглэлд нийтийн тээврийн үйлчилгээ ажлын өдөр 07-22.00 цагт, амралтын өдөр 08-22.00 цагт явах юм байна.