Премьер лигийн “Челси” клубын хагас хамгаалагч Фрэнк Лампард телевизийн нэвтрүүлэгч найз бүсгүй Кристинь Бликлитэйгээ сүй тавьжээ. Кристиний хэвлэлийн төлөөлөгчийн мэдэгдсэнээр хосууд Лос-Анжелест амарч байх үеэр Лампард татгалзахын аргагүй гайхалтай, романтик байдлаар гэрлэх санал тавьсан гэнэ. Кристинь ч тэр даруй зөвшөөрсөн хариу өгсөн аж. “Хосууд хэн хэн нь маш их жаргалтай байгаа. Гэхдээ хуримын ёслолын тухайд яарахгүй байна. Цаашид ч тэд энэ талаар мэдээлэл өгөхийг хүсэхгүй байгаа” хэмээжээ.

Фрэнк, Кристинь нар 2009 оноос эхлэн болзож эхэлсэн юм. Фрэнк өмнө нь Элен Ривестэй амьдрал зохиож байсан бөгөөд экс-хосууд өдгөө хоёр хүүхэдтэй билээ.