УИХ-ын Төрийн байгуулалтын байнгын хороо Ард нийтийн санал асуулгын тухай хуульд нэмэлт өөрчлөлт оруулах тухай хуулийн төслийн анхны хэлэлцүүлгийг хийж, дэмжлээ. Хэлэлцүүлгийн шатанд УИХ-ын гишүүн Ж.Батзандан “ Ард нийтийн санал асуулгыг хоёроос дээшгүй асуудлаар явуулж болно гэж байна. Одоо дэлхийн хандлагыг харахад дөрвөөс дээшгүй асуудлаар явуулж байна. Нэг удаа ард нийтийн санал асуулга явуулахад зургаан тэрбум төгрөг зарцуулна гэсэн тооцоо гарч. Дор хаяж дөрвөөс доошгүй асуудлаар ард нийтийн санал асуулга явуулах санал гаргаж байна.” хэмээсэн юм.