“Хар хун”-гийн дүрээр Оскарын шагнал хүртсэн жүжигчин Натали Портман хүүтэй болжээ. Жүжигчин бүсгүйг “Хар хун” нөхөртэй нь танилцуулсан бол одоо тэд хөөрхөн хүүгийн аав, ээж боллоо. Хосууд киноны зураг авалтын үеэр анх танилцсан бөгөөд хүүхэдтэй болох гэж буйгаа баяртайгаар мэдэгдэж байсан юм.

Хувийн амьдралаа хэвлэлд дэлгэх дургүй Натали Портман жирэмсэн болсноосоо хойш харин ч илүү нээлттэй болсон гэнэ. Кино академийн энэ жилийн Оскарын шилдэг дүрийн шагналыг гардан авахдаа Натали “Бенжамин намайг  амьдралынхаа  гол дүр болгосон” хэмээн хэлж байсан юм. Тэрбээр ээж болох гэж буйгаа “Би олон зүйл дээр алдаа гаргах нь мэдээж. Гэхдээ алдаанаасаа суралцахаас айхгүй байна” гэжээ. Цагаан хоолтон Натали Портман хүүхдээ эрүүл саруул бойжуулахын тулд хоолны дэглэм заавал баримтлах гэхгүй хэмээжээ.