Монголын хөлбөмбөгийн холбооны тэмцээн, уралдааны хуваарьт багтсан аймгуудын аварга шалгаруулах тэмцээн өнөөдөр МХБХ-ны ногоон талбайд эхэллээ. Энэ сарын 15-21-нд үргэлжлэх аймгуудын цомын тэмцээний эхний тоглолт н.Наранбаатар дасгалжуулагчтай “Дорнод нутаг” болон Өвөрхангай аймгийн багийн хооронд болсон байна. Тоглолт 4:0 харьцаатай Дорнодын багийн ялалтаар өндөрлөж, тэд анхны хожлоо авчээ.