Хөлбөмбөгийн идэрчүүдийн улсын аварга шалгаруулах тэмцээний U-17 насны ангиллын медалийн эзэд өчигдөр тодорлоо. Хүрэл медалийн төлөө “Дархан Хаан Хүнс”-“Бамбар”-тай тоглолоо. Энэ тоглолтод эхний гоолийг 19 дэх минутанд П.Энхболд хийж гоолийн салхийг хагалсан бол үүнээс хойш бүх зүйл тодорхой болж эхний хагас 5:0-ээр өндөрлөлөө. Харин шийдвэрлэх үеийн 50 дахь минутад “Бамбар”-ын Б.Мишээл нэр төрийн нэг гоолыг хийсэн ч “Дархан Хаан Хүнс” багийнхан нэмж гурван гоол хийснээр илт давуу хожлоо. П.Энхболд хет-трик хийж, Б.Цэрэнбаяр дубльдсан бол байна. Тэгвэл аваргын төлөө “Хоромхон”, “Сэлэнгэ Пресс”-тэй өрсөлдөхөд үзэгчид хэн нь аварга болох бол гэж тааж ядан байлаа. Харин эхний үе 1:1-ээр өндөрлөсөн нь үзэгчдэд улам эргэлзээ төрүүлж эхэлсэн байна. 10 дахь минутад “Хоромхон” багийн Мөнхцэнгэл гоолийг салхийн хагалсан бол 29 дэх минутад Содбаяр торгуулийн цохилтоос хариуг нь барьсан. Шийдвэрлэх үед “Хоромхон”-ы хөвгүүд мөнхий өрсөлдөгч нартаа боломж олгосонгүй. Ингэснээр тоглолт 4:1-ээр “Хоромхон”-ы ялалтаар өндөрлөж, 2011 оны U-17 насны ангиллын улсын аварга баг болсон байна. Уг тоглолтод Мөнхцэнгэл хет-трик хийж багийнхаа хожлын гол гүүр нь болсон гэхэд болно.

МХБХ-ноос зохион байгуулж байгаа дараагийн тэмцээнүүдийг хуваарийг танилцуулъя. Үүнд:

• “Боргио Цом”                                   2011.6.12-2011.7.9
• “Аймгуудын цом”                             2011.6.15-2011.6.21
• Ахмадын УАШТ /дөрвөн насны ангилал                  2011.6.22-2011.6.25 
• Хүүхдийн хөлбөмбөгийн зуны зуслан Нарлаг, Жавхлант 2011.6.16-2011.8.17
• Монгол-Мъянмар  ДАШТ-ний урьдчилсан тоглолт        2011.6.29-ний 18.30 цагт
• Нийслэл лиг хоёрдугаар тойрог                    2011.7.28-2011/09/16