Өмнөд Солонгосын нийслэл Сөүл хотноо ерөнхийлөгч Пак Кын Хег огцрохыг шаардсан жагсагчид цагдаа нартай мөргөлджээ. Цагдаа нар жагсагчдын эсрэг даралттай ус, нулимс асгаруулагч хий ашиглан номхотгохыг хичээсэн байна.

Өмнөд Солонгост сүүлийн хэдэн жилд болоогүй том хэмжээний гудамжийн жагсаал цуглаан болж байгааг эх сурвалжууд мэдээлж байна. Ерөнхийлөгч Пак Кын Хег огцруулахын төлөөх жагсаалд олон мянган хүн оролцсон аж. Жагсаалыг Өмнөд Солонгосын худалдааны эвсэл зэрэг олон эвлэл, холбоод зохион байгуулж, ерөнхийлөгч Пак Кын Хегийн бизнесменүүдийг дэмжсэн бодлогыг эсэргүүцжээ. Түүнчлэн улсаас баталсан түүхийн сурах бичигт Өмнөд Солонгосын дарангуйлагчдын түүхийг балруулсан гэж үзсэн зарим иргэд эсэргүүцлээ илэрхийлсэн байна.  

Пак Кын Хе хоёр жилийн өмнө Өмнөд Солонгосын анхны эмэгтэй ерөнхийлөгчөөр сонгогдсон билээ.

Б.АНХТУЯА

ЭХ СУРВАЛЖ: ВВС