УИХ-ын Тусгай хяналтын дэд хороо үдээс хойш хуралдаж, УИХ-ын гишүүн С.Эрдэнийн гаргасан өргөдлийг хэлэлцэх гэж байна. С.Эрдэнэ гишүүн өөрийг нь Ардчилсан намын дарга Н.Алтанхуяг гүтгэсэн хэмээн үзэж, өргөдөл гаргажээ. Өнгөрсөн өвөл Ардчилсан намын ҮЗХ-ны хуралдааны үер Н.Алтанхуяг дарга С.Эрдэнэ гишүүнийг МАХН-ын дарга Н.Энхбаяртай удаа дараа уулзсан, заавар зөвлөгөө авсан гэх мэтээр хэлсэн юм. Уг асуудлаар С.Эрдэнэ гишүүн өргөдөл гаргасныг хэлэлцэх гэж байгаа бололтой. Хуралдааныг хаалттай хийж магадгүй байна.