Хөлбөмбөгийн ногоон талбай дээр тэмцээн, уралдаан үргэлжилсээр. Идэрчүүдийн 17 хүртэлх насны тэмцээн зургаа дахь өдрөө үргэлжилж байна. Өчигдөр тэмцээний хагас шигшээ тоглолтууд болж, “Хоромхон” клуб, Дарханы “Дархан-Хаан хүнс” багийг буулган авснаар аваргын төлөө өрсөлдөх эрхтэй болжээ. Тоглолт 1:1 харьцаатай тэнцээгээр өндөрлөж, ялагчийг 11 метрийн торгуулийн цохилтоор шийдвэрлэхэд “Хоромхон” 5:4 харьцаатай өрсөлдөгчөө буулган авсан байна. Тэд маргааш аваргын төлөө “Сэлэнгэпресс” багтай тоглох юм. Тэдний тухайд хагас шигшээд 3:1 харьцаатай Зүүнхараагийн “Бамбар” багийг буулган авсан юм.

Сонирхуулахад, тэмцээний шөвгийн наймд шалгарсан багуудад Идэрчүүдийн лигт өрсөлдөх эрх олгож буй бөгөөд тэдгээр багууд ирэх сарын 1-нээс өмнө шийдээ өгөх ёстой гэнэ.