Хөвсгөл аймгийн Чандмань-Өндөр суманд малын гоц халдварт боом өвчин гарч, хоёр үхэр үхсэн байна. Аймгийн мал эмнэлэгийн лаборторт хийсэн шинжилгээгээр иргэн С, Б нарын үхэрнээс боом өвчин гарсан болох нь батлагджээ. Хөвсгөл аймгийн засаг даргын захирамжаар энэ сарын 12-ноос эхлэн 14 хоногийн хугацаатай халдварын бүс нутагт хорио тогтоогоод байгаан байна. Чандмань-Өндөр сумын төвийн малтай иргэдийн 750 үхэрт урьдчилан сэргийлэх вакцин хийж, үхсэн 2 үхрийн сэг зэмийг булж устган ариутгал халдваргүйжүүлэлт хийжээ. Байнгын хяналтын цэгийг байгуулан ажиллаж байна. Мөн Хөвсгөл аймгийн Шинэ-Идэр сумын нутаг “Дунд хоолой гэдэг газарт галзуу өвчин гарсантай холбогдуулан тухайн орон нутгийн Засаг даргын захирамжаар тогтоосон хорио цээрийн болон хязгаарлалтын дэглэм үргэлжилж байна.