Гэрэл зурагчин, аялагч Г.Ган-Өлзийгийн бие даасан "Нүүдэлчин монгол" гэрэл үзэсгэлэн аравдугаар сарын 14-нд "Blue Moon" арт галерейд нээгдэх аж.

Аравдугаар сарын 21-нийг хүртэл үргэлжлэх үзэсгэлэнгээ тэрбээр Монголд гэрэл зургийн алба байгуулагдсаны 80 жилийн ойд зориулжээ.

Гэрэл зурагчин Г.Ган-Өлзий монгол орныг тойрон аялж, байгаль, ахуй, монголчуудын аж амьдралыг харуулсан гэрэл зураг авдгаараа олонд танигдсан уран бүтээлч юм. Түүний энэ жилийн уран бүтээлийн богцыг уудлахыг хүсвэл "Blue Moon" арт галерейг зориорой.

Б.ЭНХ