Засгийн газар 2016 оны төсвийн хуулийг боловсруулахдаа төрийн өндөр албан тушаалтнуудын цалинг 30 хүртэл хувиар бууруулах чиглэл барьсныг зарим гишүүд эсэргүүцжээ. Саарал ордон дахь “бор шувуугаар” УИХ-ын гишүүн О.Баасанхүү, Д.Хаянхярваа нар цалин хасахыг дэмжихгүй хэмээн байр сууриа илэрхийлсэн гэх. УИХ-ын гишүүдийн сарын цалин 1.2 сая төгрөг, түүнээсээ 30 хувь хасуулахад горойж байгаа түшээд ард түмнээ ямар цалин хөлстэйгээр амьдардаг гэж бодсон юм бол гэх шүүмжлэл ч бий. Гэхдээ яг үнэндээ улстөрчдийн болон засаг дарга нар, сайдуудын цалинг хаслаа гээд их л санйдаа хоёр тэрбумыг хэмнэнэ. Гэтэл үнэндээ 160 мянган төрийн албан хаагчаа цөөлөхгүйгээр хэн нэгний цалинг бууруулаад  нэмэргүй.

Сардаа 1.2 сая төгрөгийн цалин байтугай 120 мянган төгрөгийн орлоготой өрх айлууд ч бий. УИХ-д сонгогдохдоо ард түмнийхээ төлөө өлсөж цангаж ч чадна шахуу амлалт өгчихөөд сонгогдсоныхоо дараа цалинг нь бууруулъя гэхэд таталдаж, хэл ам гаргах нь ичгэвтэр биш гэж үү.

Г.ХОРОЛ