Мэргэжлийн сүмогийн 70 дахь ёкозүна Харумафүжи Д.Бямбадорж энэ сарын башёг өнжихөөр болжээ. Баруун гарын тохойны гэмтэл бүрэн эдгээгүй байгаа тул бүрэн хүчээ шавхаж барилдах боломжгүй, барилдсан ч гэмтлээ улам сэдрээх магадлалтай байгаа тул Аки башёг өнжихөөр болсон байна.

Өнгөрсөн сарын башёгийн эхний өдөр Харүмафүжи Мёгирюүг давахдаа дэвжээнд гараа эвгүй цохисноор баруун тохойгоо гэмтээсэн юм.

Ингэснээр Аки башёд Хакүхо М.Даваажаргал, Какүрюү М.Ананд хоёр ёкозүна сүмочдоо магнайлан барилдах болно. Харүмафүжигийн Мёгирюүтай барилдахдаа тохойгоо гэмтээсэн барилдааны бичлэгийг үзнэ үү.

Р.ГЭГЭЭ

Эх сурвалж: http://horom.mn