ОХУ-ын мэргэжилтнүүд олон улсын сансрын станцад улаан буудай, улаан лооль тарих гэнэ. “Роскосмос”-ын нисэгч Андрей Борисенко тэргүүтэй 28 мэргэжилтэн сансрын агрономич болох үүргийг хүлээн авсан тухай АР мэдээлжээ. Энэ сарын 10-наас эхлэн тэд үрээ суулгахаар төлөвлөсөн байна.

“Станцад ажиллаж, амьдарч буй хүмүүсийн хэрэгцээнд зориулан ногоо тарих юм. Түүнээс гадна энэ нь тэнд байгаа хү- мүүсийн эрүүл мэндэд тустай. Ногоо тарьснаар хүчилтөрөгч ялгарахаас гадна тоосжилтыг багасгах зорилготой юм” гэж Андрей Борисенко “Нэгдүгээр суваг” телевизэд өгсөн ярилцлагадаа өгүүлжээ.