Атлантын далайд 2009 оны зургадугаар сард осолдсон Air France компанийн онгоцны зорчигчдын цогцосыг гарган авах ажиллагааг дуусгажээ. Рио-де-Жанейро хотоос Парисийн чиглэлд A447 дугаартай нислэг хийж байсан Airbus A330-203 онгоц 2009 оны зургадугаар сарын  1-ний шөнө алга болсон юм. Онгоц осолдсон газрыг энэ жилийн дөрөвдүгээр сард тогтоо билээ. Нислэгийн бичлэгийг олсон боловч ослын шалтгааныг нь тогтоож чадсангүй. Reuters-ийн мэдээгээр уг ажлыг зургадугаар сарын 3-нд дуусгасан байна. Онгоцонд нийт 228 хүн явсан бөгөөд бүгдээрээ амь үрэгджээ. Ослоос хойш 154 хүний цогцосыг олоод байна. Нийт 154 цогцосыг 50-ыг нь онгоц унасны дараа, үлдсэн 104 цогцосыг өнгөрсөн тавдугаар сард эхэлсэн ажиллагааны явцад 3,9 км-ын гүнээс гарган авчээ. Үлдсэн 74 цогцосыг гаргаж авч чадалгүй байсан бөгөөд энэ сарын 3-ны өдөр онгоцны үлдэгдлийг далайгаас гаргаж авах ажлаа дуусгасан байна.“Иль-де-Сен” (Ile de Sein) хөлөг онгоцоор зорчигчдын шарил болон машины сэгийг ачин Тулуза хотын зүг хөдөлсөн байна. Мэргэжилтнүүд Тулуза хотод аваачсан онгоцны ослоос олдсон материалуудыг  түшиглэн ослын шалтгааныг тогтоохоор ажиллах юм.