Цагдаагийн ерөнхий газрын Дүн шинжилгээний алба архи согтууруулах ундаа зардаг үйлчилгээний газрын тоог гаргажээ. Улсын хэмжээнд өнгөрсөн онд архи зарж борлуулдаг 7944 газар байсан юм байна. Түүнээс 904 нь баар цэнгээний газар, 569 нь зоогийн газар, 453 кафе, 5804 нь хүнсний дэлгүүр, 214 нь бөөний худалдааны цэг юм байна. Монгол Улсад спиртийн 12 үйлдвэр, архины 78, шар айрагны 13, дарсны найман үйлдвэр ажилладаг. Эдгээр газруудын үйлдвэрлэсэн архи согтуурулах ундааг хүн амдаа хуваахаар 18 наснаас дээш насны нэг хүнд 37 литр буюу 74 шил архи ноогдож байгаа аж.

Х.Хангал