УИХ-ын чуулганы үдээс хойшхи хуралдаан эхэллээ. Хуралдаанаар Монгол Улсын эдийн засаг, нийгмийг 2010 онд хөгжүүлэх үндсэн чиглэлийн хэрэгжилтийг хэлэлцэж байна. Үндсэн чиглэлд тусгасан ажлуудаас 30 гаруй хувь нь хэрэгжсэн ч 68 хувь үндсэндээ биелээгүй аж. Тиймээс үлдсэн нэг жил орчмын хугацаанд Засгийн газар санаачлага гаргаж, шахуу ажиллахгүй бол үндсэн чиглэлд заасан ажлууд хэрэгжихгүй байсаар Засгийн газрын бүрэн эрхийн хугацаа дуусах болж буйг гишүүд анхаарууллаа.