ХДХВ-ДОХ-ын асуудлаарх өндөр хэмжээний уулзалт Нью-Йорк хотноо өнөөдөр эхэллээ. Уулзалтад нийт 190 гаруй орны 3000 гаруй төлөөлөгч оролцож байгаа бөгөөд үүнээс 30 гаруй орны төрийн тэргүүн, ерөнхий сайдууд оролцож байгаа аж. ХДХВ/ДОХ-ын асуудлаарх өндөр хэмжээний уулзалтад УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Д.Очирбат тэргүүтэй Монголын төлөөлөгчид оролцож байна. Манай төлөөлөгчид өнөөдөр өндөр хэмжээний уулзалтын нэгдсэн хуралдаан "Хамтын хариуцлага-ХДХВ/ДОХ-ын асуудлаарх шинэ тохиролцоо", "ХДХВ/ДОХ-оос урьдчилан сэргийлэх-халдварыг таслан зогсооход юу хийх хэрэгтэй вэ" сэдэвт сэдэвчилсэн хэлэлцүүлэгт тус тус оролцсон байна. Харин маргааш ХДХВ/ДОХ-той тэмцэх асуудлаар Засгийн газраас авч хэрэгжүүлж байгаа арга хэмжээ, цаашид анхаарах асуудлуудын талаар үг хэлэх аж. ХДХВ/ДОХ-ын анхны тохиолдол оношлогдсоноос хойшхи 30 жилийн хугацаанд  дэлхий дээр 60 сая гаруй хүн халдвар авч, 25 сая хүн амь насаа алдаж, 16 сая гаруй хүүхэд эцэг, эхээсээ өнчрөөд байгаа аж.