Үндэсний их баяр наадам хаяанд ирсэн энэ өдрүүдэд бөхчүүд түрүүчээсээ нутаг ус, дэвжээгээрээ нэгдэн наадмын бэлтгэлдээ гарч эхэллээ. Одоогоор Баянхонгор, Булган аймгийнхан галд гараад байгаа бол ирэх долоо хоногоос нэлээд олон аймгийнхан бэлтгэлээ эхлүүлэхээр зэхээд байна. Баяр наадам дөхсөн учир наадмаас өмнө зохион байгуулах цөөн хэдэн барилдаан бөхчүүдэд чухал байж таарна.

Тэгвэл тэдгээр барилдааны нэг болох МҮБХ, “Мөнхийн үсэг” групптэй хамтран зохион байгуулах “Мөнхийн үсэг” группийн 20 жилийн ойд зориулсан улс, аймгийн алдар цолтой хүчит 128 бөхийн барилдаан зургадугаар сарын 11-ний 15.00 цагаас эхлэх аж.