Ээлжит бус чуулганы үйл ажиллагааны хуваарийн дагуу өнөөдөр УИХ дахь нам, эвслийн бүлгүүд хуралдаж байна.

Ардчилсан намын бүлгийн хуралдаан хаалттай үргэлжилж байгаа бөгөөд эх сурвалжаас авсан мэдээллээр бол АН-ын бүлгийн хурал нилээд ширүүн уур амьсгалд өрнөж байгаа сурагтай. Хурлаар яг одоо МАН-ын сайд нарын тухай асуудлыг ярилцаж байгаа гэх ба бүлгийн гишүүд МАН-ын сайдуудыг огцруулах, чөлөөлөх асуудлыг өргөн барих нь зөв гэж олонхиороо үзэж байгаа аж.

Ерөнхий сайд өнгөрсөн баасан гаригт АН-ын ҮЗХ-г яаралтай хуралдуулж,  намын дарга, Гүйцэтгэх засаглалын тэргүүн хоёр нэг байх асуудлыг  шийдэх ёстой гэсэн шаардлага хүргүүлсэн. Улс төрийн хүрээний хувьд энэ асуудал хамгийн гол анхаарал татаж буй асуулт хэдий ч намын бүлэг нь одоогоор Ерөнхий сайдын шаардлагыг хурлаараа хараахан хэлэлцээгүй байна.

АН-ЫН ДАРГАД ХҮРГҮҮЛСЭН ЕРӨНХИЙ САЙДЫН ШААРДЛАГА

МАН-ын бүлгийн тухайд мөн хуралдаанаа хаалттай үргэлжлүүлж байна.

"Шударга ёс" эвслийн бүлгийн хурал түр завсарласан байгаа бөгөөд тэд одоогоор хуралдааны талаар мэдээлэл өгөх боломжгүй гэлээ.

О.САР