Увс аймгийн Улаангом сумын 10 дугаар баг, Дунд хорооллын  есдүгээр гудамжинд  оршин суугч иргэн Д нь /30 настай, эмэгтэй/  аймгийн Нэгдсэн эмнэлгийн Халдвартын тасагт зургаан сартай хүүгээ эмчлүүлж байгаад долдугаар сарын 29-ний өдөр гэнэт алга болжээ. Тухайн өдрийн 12:00 цагийн орчим хүүгээ орхиод алга болсон  учир аймгийн Цагдаагийн газар, Онцгой байдлын газраас хамтран  гурван өдрийн турш эрэл хайгуул зохион байгуулсан ч үр дүн гараагүй байна. Тиймээс ар гэрийнхэнтэй нь зөвшилцсөний үндсэн дээр эрлийн ажиллагааг зогсоожээ. Хүүгээ орхисон эх амьд эсэх нь одоогоор тодорхойгүй байгаа гэнэ.

Д.ЦЭЭЛ