Нагоя хотод үргэлжлэн явагдаж буй долдугаар сарын тэмцээн өндөрлөхөд дөрвөн өдрийн барилдаан үлдлээ. Өчигдөр буюу башёгийн 11 дэх өдөр ёкозүна Хакүхо озэки Тэрүнофүжи Г.Ган-Эрдэнийг, ёкозүна Какүрюү озэки Котошёогикүг давлаа. Ийнхүү башёг хоёр ёкозүна 10-1 гэсэн амжилттай тэргүүлж байна. Ёкозүна Хакүхо 10 дахь өдөр, ёкозүна Какүрюү 9 дэх өдөр сэкивакэ Точиозанд унасан. Хоёр аваргыг дараалан ялаад байсан сэкивакэ Точиозан өчигдөр озэки Гоэйдог барсангүй. Одоогоор ёкозүна нарын араас 9 даваа, 2 унаатай озэки Тэрүнофүжи, сэкивакэ Точиозан нар л удаалж байгаа бөгөөд энэ сарын тэмцээнийг манай бөхчүүд дахин тэргүүлсээр байна. Японы озэки Кисэносато 8-3, озэки Гоэйдо 7-4, М-12 Эндо 8-3 гэсэн амжилттай явна.

Ёкозүна Хакүхо 10 дахь өдөр сэкивакэ Точиозанд унасан юм. 2015.VII.21

Хоёр ёкозүнаг дараалан ялаад байсан сэкивакэ Точиозаныг озэки Гоэйдо давлаа. 2015.VII.22

Макүүчи зиндаа: (Монгол бөхчүүд)

Ёкозүна Хакүхо М.Даваажаргал 10-1
Ёкозүна Какүрюү М.Ананд 10-1
Озеки Тэрүнофүжи Г.Ган-Эрдэнэ 9-2
Секивакэ Ичиножёо А.Ичинноров 3-8
Маэгашира 6 Кёкүшюхо Т.Эрдэнэбаатар 5-6
Маэгашира 7 Тамаваши Б.Мөнх-Оргил 5-6
Маэгашира 11 Токитэнкү Хүчитбаатар 5-6
Маэгашира 11 Кёкүтэнхо Н.Цэвэгням 3-8
Маэгашира 14 Кагамио Б.Нанжид 8-3
Маэгашира 15 Сейро А.Өнөболд 6-5
Маэгашира 16 Таканоива А.Баасандорж 4-7 гэсэн амжилттай явна.

Ч.БОЛОР