Тулгар төрийн 2224, Их монгол улсын 809, Ардын хувьсгалын 94 жилийн ой, Үндэсний их баяр наадмын өдрүүдэд “Найрсаг Улаанбаатар” хөтөлбөрийн хүрээнд олон соёл урлагийн үйл ажиллагаанууд болж байна.

Өчигдөр буюу долдугаар сарын 11-ний өдөр Монголын рок попын бүх одод Чингисийн талбайд чуулж, наадамчин түмэндээ баярын мэндчилгээ хүргэсэн юм. Харин энэ үеэр Шадар сайд У.Хүрэлсүх наадамчин олондоо ая дуугаа өргөлөө.

Сануулахад, Шадар сайд У.Хүрэлсүхийн хувьд өнгөрсөн жил "Андууд" хэмээх амьд хөгжмийн тоглолтоо хийж байсан юм. Улстөрч, физикч, эдийн засагчаас бүрдсэн “Андууд" хамтлаг зургаан гишүүнтэй. Хамтлагийн ахлагч У.Хүрэлсүх, басс гитарчинаар Чингэлтэй дүүргийн Засаг даргын орлогчоор ажиллаж байсан Г.Ариунбуян, бөмбөрчнөөр Цөмийн энергийн газрын дарга асан Г.Манлайжав, уран сайхны удирдаачаар “Айзам” хамтлагийн М.Хүрэлбат, хөтлөгчөөр Рок мангас гэгддэг Ч.Мөнхсайхан ажилласан юм. Тэд бүгд найзууд.

Ч.БОЛ