Өнгөрсөн намар “Намрын синдром” хэмээх инээдмийн киногоор үзэгчдэд бэлэг барьсан “ТВ Коктейль”-ийн залуус дахин кино хийхээр ажилдаа оржээ. Тэд дэлгэцийн хоёр дахь бүтээлээ бодит амьдралаас сэдэвлэн хийх гэж байгаа аж. Кино зохиолыг “Намрын синдром” киноны зохиолыг бичсэн н.Энхбаяр бичиж байгаа юм. Харин киноны гол дүрүүдэд “ТВ Коктейль”-ийн залуус өөрсдөө тоглоно.  Тэд киногоо ирэх есдүгээр сард багтаан үзэгчдийн хүртээл болгохоор зорьж байгаа гэнэ.