Аялал жуулчлалын сар эхэлж буйтай холбогдуулан Монголын аялал жуулчлалын холбооноос жуулчдад нүүдлийн соёл иргэншлийг сонирхуулах үүднээс таван хошуу малын баярыг зохион байгуулдаг билээ. Тус үйл ажиллагааны хүрээнд Өвөрхангай аймагт ирэх сарын 18-нд “Хонь, ямааны баяр”, 23-нд “Сарлагийн баяр” буюу “Сарлагийн фестиваль” тус тус болох нь ээ. Энэ үеэр хонь, ямаа сааж, ноос хяргаж, шагайн харваа зохиох бол “Сарлагийн фестиваль”-ийн үеэр сарлагийн поло зохион байгуулж, шилдэг сарлаг сургагчийг шалгаруулах юм байна.