Английн хунтайжийн эхнэр Кэйт Мидлтоны гоёмсог хуримын даашинзыг үзэхийг хүссэн хэн бүхэнд нэгэн таатай боломж удахгүй нээгдэх гэж байна. “Alexander McQueen”-ийн дизайнер Сара Бюртоны урласан уг даашинзыг ирэх долдугаар сарын 23-ны өдрөөс аравдугаар сарын гуравны өдөр хүртэл Букингэмийн ордны үзэсгэлэнгийн танхимд олон нийтэд толилуулах ажээ.

Кэйтийн даашинз Cartier-ийн "Halo" титэм, ээмэг, гивлүүр, гутал зэрэг бусад иж бүрдлүүдийн хамтаар үзэсгэлэнд тавигдах юм байна. Түүнчлэн Букингэмийн төрийн хүндэтгэлийн зоогийн танхимд Фиона Кайрнийн урласан бялууг тавих  аж. Кэйтийн даашинзны үзэсгэлэнг насанд хүрэгчид 28,70 ам.доллар, хүүхдүүд 16,50 ам.доллар төлөөд үзэх боломжтой юм.