Төв аймгийн ахмадын байгууллага үүсч, хөгжсөний 80 жилийн ой энэ жил тохиож байгаа билээ. Ойгоо угтаад баруун бүсийн сумдын ахмадуудын төлөөлөгчид Баянхангай суманд цуглаж туршлага солилцох зөвлөгөөн, спорт урлагийн өдөрлөг хийлээ. Аймгийн ахмадын хорооноос Аргалант, Баянхангай, Лүн, Өндөрширээт, Эрдэнэсант сумдын ахмадын хороодын дарга нарт ахмадын байгууллагын 80 жилийн ойг угтаж зохиож байгаа ажлынхаа талаар мэдээлэл хийлээ. Мөн ахмадын байгуулагынхан арга туршлагаа харилцан хуваалцаж байсан юм.