Дархан хот дахь ЭМШУИС -ийн салбар сургууль хуучин нэрээр Анагаах ухааны коллежийн өргөтгөлийн  барилгын шав тавих ёслол болов. Улсын төсвийн хөрөнгө нэг тэрбум 23 сая төгрөгийн санхүүжилтээр уг өргөтгөлийн барилгыг барихаар төлөвлөжээ. Тус сургуульд одоогийн байдлаар таван мэргэжлээр 1500 гаруй оюутнууд суралцаж, бага эмч, эх баригч, сувилагч, эм найруулагч, нийгмийн эрүүл мэндийн арга зүйч зэрэг мэргэжлээр эрүүл мэндийн боловсон хүчнийг бакалаврын болон тусгай мэргэжлээр бэлтгэдэг бүсийн томоохон сургууль юм.

Тус сургууль нь хичээлийн байрны хүрэлцээгүйгээс оюцтны дотуур байрандаа хичээл, сургалтаа явуулж байсан юм. Нийт 27 кабинеттэй тус сургуульд өргөтгөлийн барилга зайлшгүй хэрэгтэй. Ийнхүү байрны хүрэлцээ нэмэгдэхийн хэрээр тоног төхөөрөмж, багшлах боловсон хүчний шаардлага ч нэмэгдэнэ гэдгийг сургуулийн захиргаа онцлон хэллээ. ЭМШУИС-ийн Дархан-Уул аймаг дахь салбар сургуулийн захирал М.Нямсүрэн 2008 оноос хөөцөлдсөн хичээлийн байрны асуудал шийдвэрлэгдсэнд баяртай байгаа илэрхийлэн эл байрны өргөтгөлийн ажил энэ ондоо багтаад дуусна хэмээв. Мөн тэрбээр энэ үеэр сургалтын танхим, лабораторуудынхаа тоог нэмэгдүүлж, гадаад дотоодын хамтыг ажллагааг өргөжүүлэх шаардлага байгааг онцлон хэллээ.