Нийслэлийн НАМЗХ-ныхон өнөөдөр чуулж байна. НАМЗХ-ны жирийн гишүүд дэмжигчид хэд хэдэн удаагийн сонгуулиудад МАН амжилтгүй оролцсоны хариуцлагыг холбооныхоо удирдлагуудын хуучирч, ужгирсан байдлаас үүдэлтэй хэмээн үзэж Нийслэлийн НАМЗХ-ыг шинэчлэх түр хороог байгуулан холбооныхоо болон намынхаа удирдлагуудад шаардлага хүргүүлснийг удирдлагууд нь хүлээн авсан байна. Чуулганаар тэд дээрх асуудлыг хөндөн ярилцаж байгаа аж. Мөн сүүлийн үед НАМЗХ-ныхон чухам ямар асуудлаас болоод хоёр хуваагдсан тухай, мөн холбооны дүрэмд өөрчлөлт оруулж, насны хязгаарыг 40 болгох эсэхийг ярилцах аж. МАН-ын дэргэдэх НАМЗХ-ны тавдугаар их хурал ирэх бямба, ням гаригт болох юм. Энэ хуралтай холбоотойгоор тус холбооныхон сүүлийн үед хэвлэлээр багагүй “байлдах” болсон билээ.

О.САР