УИХ-ын Эдийн засгийн байнгын хорооны өнөөдрийн хуралдаанаар Тавантолгойн гэрээний төсөл, түүнтэй холбоотой бусад хуулийн төслийг хэлэлцэх байсан ч хойшлууллаа.

“Тавантолгойн гэрээний төслийг УИХ-аар хэлэлцэх эсэхийг судлах УИХ-ын гишүүн Л.Эрдэнэчимэгээр ахлуулсан ажлын хэсгийн дүгнэлт эцэслэн гараагүй учраас байнгын хороогоор хэлэлцэх боломжгүй байна” гэсэн асуудал энэ үеэр хөндөгдлөө.

Одоо 11.00 цагт Тавантолгойн гэрээний төсөлтэй холбоотойгоор УИХ-ын гишүүн Л.Эрдэнэчимэг мэдээлэл хийх аж.

УИХ-ын Эдийн засгийн байнгын хорооны хуралдаанаар Гацууртын ордын төрийн эзэмшлийн хувь хэмжээ тогтоох тухай УИХ-ын тогтоолын төслийг хэлэлцэж байна. Засгийн газраас өргөн мэдүүлсэн энэхүү тогтоолд Гацууртын ордын төрийн эзэмшлийн хувь хэмжээг 34 хүртэл хувь байхаар заасан юм.

Г.ДАРЬ