Фото: Britanny Sowacke / Bloomberg

АНУ-д ажиллагаатай өрөмдлөгийн цооногуудын тоо буурсаар байгаа бөгөөд тэр нь 27 долоо хоногийн турш үргэлжилж байна.

Нефтийн үйлчилгээний Baker Hughes компанийн мэдээлснээр, зургадугаар сарын 5-12-ны хооронд АНУ-ын нефтийн орд газруудын ажиллагаатай цооногийн тоо долоогоор бууран 635 нэгж болжээ. Энэ нь 2010 оны наймдугаар сарын 6-наас хойших хамгийн доогуур үзүүлэлт юм.

АНУ-ын занарын нефтийн ашиг унаснаас өрөмдлөгийн цооногуудын тоо буурч байна. Мөн үүнд нефтийн үний бууралт ихээхэн нөлөөлжээ. Цооногийн тоо цөөрч байгаагаас АНУ-д олборлож байгаа нефтийн хэмжээ унах хандлагатай болоод байна.

Зургадугаар сарын 9-нд АНУ-ын Эрчим хүчний мэдээний агентлаг (EIA) илтгэл гаргаж, энэ оны зургадугаар сараас ирэх жилийн зургадугаар сар хүртлэх олборлолтын дүгнэлтээ буулгасан байв.

Бэлтгэсэн Ш.МЯГМАР