Босго өндөртэй, Булган сүүлтэй наадмын түрүү бөх хэн бэ?

1990 онд Монголын Үндэсний Бөхийн Холбоо байгуулагдан улмаар Цэргийн цол, чимэг олгох Бүх цэргийн наадмыг жилд нэг удаа хийж байхаар шийдвэрлэж, Үндэсний бөхийн барилдааны дүрэмд оруулж өгсөн байдаг. Ингээд 1992 онд анхны Бүх цэргийн наадмын барилдааныг Үндэсний соёл амралтын хүрээлэнд зохион явуулж, 128 бөх барилдуулахад цэргийн арслан, заан, начин цолтнууд төрснөөр одоо жил бүр Улсын баяр наадмын өмнө цэргийн болон хүчний байгууллагын бөхчүүдийг хамарсан томоохон наадам болон явагдсаар байна.

Энэ наадамд түрүүлж, үзүүрлэсэн бөхчүүд бүгд эдүгээ улсын цолтой бөхчүүд болжээ. Тийм болохоор цэргийн наадам нь “босго өндөртэй”, “булган сүүлтэй” наадам гэж яригддаг билээ. Энэ ням гарагт болох булган сүүлтэй наадмын түрүү үзүүр бөхөөр хэн тодрох бол үзэгч та бүхэн саналаа бичээрэй.

Он Бөх тоо Түрүүлсэн үзүүрлэсэн

1992   128       ц.з С. Дэлгэрбат у/н (Булган)       з.б Ч.Ганбаатар ц.з (Архангай)
1993   128       а.н У.Сүхбаатар у.н (Өвөрхангай)       з.б И.Доржсамбуу у.г (Булган)
1994   128       ц.з И.Доржсамбуу у.г (Булган)       з.б Г.Өсөхбаяр дар.ав (Архангай)
1995   128       а.а Г.Өсөхбаяр дар. ав (Архангай)       ц.н Ч.Батзориг у.з (Ховд)
1996`   128       а.з С.Мандах у.н (Өвөрхангай)       ц.н У.Балжинням у.н (Завхан)
1997   128       а.з Ц.Мягмарсүрэн у.з (Ховд)       з.б Д.Энхтөр ц.з (Төв)
1998   128       ц.н Ц.Цэрэнчимэд у.н (Архангай)   а.а Б.Ганбат у.а (Увс)
1999   128       а.н Б.Бадам-Очир у.н (Төв)       з.б Ш.Уламбаяр у.н (Завхан)
2000   128       з.б Д.Цогзолдорж у.н (Дорнод)       з.б Т.Амартүвшин у.х (Ховд)
2001   128       ц.а Д.Цогзолдорж у.н (Дорнод)       а.н И.Ёндонсамбуу у.н (Булган)
2002   128       ц.н Т.Мөнгөнцоож у.х (Архангай)   ц.з Т.Амартүвшин у.х (Ховд)
2003   128       а.н М.Батжаргал у.х (Архангай)       а.з Ж.Гансүх у.н а (Дорнод)
2004   128       з.б Д.Лхагвадорж у.н (Говь-Алтай)    зб Н.Нямаа ц.з (Архангай)
2005   128       а.з А.Бямбажав у.х (Увс)          а.а Т.Санчир у.з(Өвөрхангай)
2006   128       а.а Н.Ганбаатар у.г (Говь-Алтай)       з.б Ж.Бат-Эрдэнэ у.г (Говь-Алтай)
2007   128       ц.а А.Бямбажав у.х (Увс)          з.б Б.Батмөнх у.з (Төв)
2008   128       а.н Ч.Санжаадамба у.з(Архангай)    а.а Н.Батзаяа у.н (Ховд)
2009   128       а.з С.Мөнхбат у.ав (Увс)         а.а Ө.Бат-Орших у.х (Увс)
2010   256       ц.а Ч.Санжаадамба у.з (Архангай)   с.з Э.Тулга ц.з(Сэлэнгэ)