Шувуу ханиадын тархалт хүчтэй болоод байгааг мэдээллийн хэрэгслүүд онцолж байна.  АНУ-ын баруун хэсгээр шувууны ханиад тархаад байсан бөгөөд энэ шувууны ханиадны H5N8 вирус нь зүүн эргийн Индиана мужийн шувууны аж ахуйд илэрсэнээр нийтдээ 15 муж улсад гараад байгааг нэгдсэн улсын хөдөө аж ахуйн газраас мэдэгдээд байна.
Баруун эрэгт шувуу ханиадны эх үүсвэр номхон далайн нүүдлийн шувуудаас ирсэн гэдгийг батлаад байгаа бөгөөд H5N8 вирус зүүн эрэгт хэрхэн хүрснийг одоогоор нарийн тогтоож амжаагүй байна.  Нэгдсэн улсын хөдөө аж ахуйн газрын амьтан ургамлын эрүүл мэндийн хяналтын мэргэжилтэн Жоулли Хайден “Өвчний тархалтыг судлаж байгаа бөгөөд усны шувуудаар дамжин зүүн эрэгт очсон байж магадгүй гэж таамаглаж байна” гэж хэлсэн байна.