Үндэсний тусгаар тогтнолын 100 жил, төрийн таван яамд байгуулагдсаны 100 жилийн хүрээнд жил бүр уламжлал болгон зохион байгуулдаг “Засгийн газрын цом-2011” сагсан бөмбөгийн тэмцээн өнөөдөр Спортын төв ордонд эхэлж байна. Тэмцээнд Ерөнхий сайд С.Батболд болон бүх яамдын сайд нар оролцоно. Мөн сайд нарын тусгайлсан тоглолт мөн энэ үеэр болох юм.

Тус тэмцээн нь 2005 оноос эхлэн жил бүр уламжлал болон зохион байгуулагдаж ирсэн бөгөөд Засгийн газрын яамдын ажилтан, албан хаагчдын хувьд хүсэн хүлээдэг хамгийн том тэмцээн болж өргөжин тэлсэн юм. Тэмцээнд 11 яам болон Ерөнхийлөгчийн тамгын газар, Улсын Их хурлын тамгын газар, Засгийн газрын хэрэг эрхлэх газар гээд нийт 14 байгууллагын 300 гаран тамирчид хурд хүч, авхаалж самбаагаа сорин уралдах юм. Энэ жилийн тэмцээнийг 100 жилийн ойгоо тэмдэглэж байгаа Сангийн яам зохион байгуулж байгаа ажээ.