УИХ-ын чуулганы баасан гаригийн хуралдаан дууслаа. Тус хуралдаанаар Тагнуулын байгууллагын тухай хуульд нэмэлт, өөрчлөлт оруулах тухай, Банкны тухай хуульд нэмэлт оруулах тухай, Эрүүгийн байцаан шийтгэх хуульд нэмэлт оруулах тухай хуулийн төслүүдийн анхны хэлэлцүүлгийг хийж дуусган улмаар хоёрдугаар хэлэлцүүлэгт бэлтгүүлэхээр УИХ-ын Хууль зүйн байнгын хороонд шилжүүлсэн байна. Эдгээр хуулийн төслүүдийг чуулганаар хэлэлцэхдээ хаалттай хуралдсан юм. Учир нь энэхүү төслийн хүрээнд улсын нууцтай холбоотой асуудлыг хэлэлцэн шийдвэрлэсэнтэй холбоотой билээ.