Дуучин Д.Болд “Монгол поп” нэртэй тоглолтоо маргааш 18.00 цагт Төрийн ордны Их танхимд хийхээр болоод буй. Тоглолтын бэлтгэлийг өчигдрөөс эхлэн хангасан бөгөөд тайз засал, хөгжим хэрэгсэл бүгд жин тан болоод байна. Харин поп дуучин Д.Болд өнөөдөр Төрийн ордонд хүрэлцэн ирж, тайз засал, бусад зүйлстэй биечлэн танилцаж, нэг ёсны шалгалт хийлээ.

“Монгол поп” нэртэй энэхүү тоглолтоо дуучин залуу цагаан эсгийний ёслолоор эхлүүлэхээр болоод байгаа. Уламжлалаа орчин үеийн поп урлагтай хослуулан нийгмийн салбарт тэргүүлэгч 800 гаруй зочиндоо хүргэхээр бэлтгэж байгаа түүний энэхүү тоглолтод Морин чуулга, Улсын филармонийн симпони найрал хөгжимчид, Үндэсний дуу, бүжгийн чуулгын бүжигчид “Шуранхай” хамтлагийнхан оролцох юм.