Өнөөгийн таблетын эрин үед маш олон захирал, дарга нар ажлаа амжилттай түргэн явуулахын тулд энэхүү төхөөрөмжөөр ажилчдаа хангахыг боддог жишиг тогтоод байгаа ажээ. Харин үнэн хэрэг дээрээ энэ таблет тоглоом, ажил хоёрын алинд нь илүү зориулагдсан эсэх нь эргэлзээтэй болоод байна. 1400 таблеттай Америк хүмүүсээс, тэдний хэрэглээний талаархи судалгааг авчээ.

Гэтэл энэхүү Google судалгааны үр дүн маш сонин гарч. Тэдний ихэнх нь буюу 84% нь тоглоход, 78% нь мэдээлэл хайхад, 74% нь имэйлд зориулан ашигладаг гэсэн дүн гарсан байна. Нэмээд хэлэхэд, судалгаанд хамрагдсан хүмүүсийн 82% нь гэртээ байхдаа таблетаа ашигладаг гэсэн бол 11% нь явдал дундаа, дөнгөж 7% нь ажил дээрээ ашигладаг гэжээ. Энэ бүгдээс үзэхэд хэрвээ компани ажилчиддаа таблет аваад өглөө гэхэд ажлын бүтээмж нь нэг их сүртэй дээшлэхгүй л болов уу.