Өнөөдөр баруун зүгийн нутгаар, маргааш зарим нутгаар, 18-нд баруун болон зүүн зүгийн нутгийн зарим газраар, 19-нд нутгийн баруун хагаст хур тунадас орно. Энэ хугацаанд салхи 16-нд Алтайн салбар уулсаар, 17-нд зарим газраар секундэд 16-18 метр, 18-нд Их нууруудын хотгороор, 19-нд нутгийн өмнөд хэсгээр секундэд 12-14 метр хүрч цасан болон шороон шуурга шуурна. Хангай, Хөвсгөлийн уулархаг нутгаар шөнөдөө 12-17 градус, өдөртөө 0-5 градус хүйтэн, говийн бүс нутгаар шөнөдөө 2 градус дулаанаас 3 градус хүйтэн, өдөртөө 13-18 градус дулаан, бусад нутгаар шөнөдөө 4-9 градус хүйтэн, өдөртөө 5-10 градус дулаан байна. Хугацааны сүүлчээр ихэнх нутгаар бага зэрэг хүйтэрэх төлөвтэй байгаага Ус цаг уур, орчны эрдэм шинжилгээний хүрээлэнгээс анхааруулж байна.

Д.Долгор