Эрүүл Мэнд, Спортын Яам болон Нийслэлийн Эрүүл Мэндийн Газар  2015 оныг “Эрүүл мэндийн анхан шатны тусламж үйлчилгээний хүртээмжийг сайжруулах жил” болгон зарласан бөгөөд Нийслэлийн ЗДТГ –аас “Ажилгүйдлийг бууруулъя, Аюулгүй орчин бүрдүүлье, Эрүүл мэндийг дэмжье” гэсэн уриа гарган ажиллаж байгаа юм.

Нийслэлийн Эрүүл Мэндийн Газар нь нэгдсэн төлөвлөгөөний дагуу шат дараатай олон арга хэмжээнүүдийг авч хэрэгжүүлж байгаагийн  онцлох  нэг ажил нь  “Нийслэлийн өрхийн эрүүл мэндийн төвүүдийн тусламж үйлчилгээний өнөөгийн байдал, тулгамдаж буй асуудал” сэдэвт өрхийн эмч нарын зөвлөлгөөнийг 05 сарын 19-ний өдөр МҮЭСТО-д зохион байгуулах гэж байна.

Нийслэл хотод  129 өрхийн эрүүл мэндийн төв, 13 салбартай ажиллаж байгаа.

Өрхийн эмнэлгийн тогтолцоонд шилжин орсноос хойш 16 жилийн хугацаанд өрхийн эмнэлгийг хөгжүүлэх бодлогын олон шийдвэрүүд гарч хэрэгжиж байгаа ч өнөөдрийг хүртэл өрхийн эрүүл мэндийн төвүүдийн хууль эрх зүйн орчин бүрэн бүрдээгүй, санхүүжилт нь хүрэлцдэггүй, статус нь тодорхойгүй, эмч, мэргэжилтнүүдийн мэдлэг чадвар сул зэрэг олон зүйлээс шалтгаалан иргэдийн дунд өрхийн эрүүл мэндийн төв, өрхийн эмч нарын талаархи сэтгэл ханамж төдийлэн дүүрэн бус байгаа нь эрүүл мэндийн анхан шатны тусламж үйлчилгээний хүртээмжийг сайжруулах, өрхийн эрүүл мэндийн төвүүдийн үйл ажиллагааны тогтвортой байдлыг хангах зайлшгүй шаадлагатай тулгарч байгаа юм.  

Энэхүү зөвлөгөөнийг НЗДТГ, ЭМЯ, МӨАУМХ, АШУҮИС, Дүүргүүдийн ЭМТ зэрэг байгууллагууд хамтран зохион байгуулах юм. 

Зөвлөгөөний үйл ажиллагааны хүрээнд 05 сарын 18-ны 13.00 цагт Хангарьд ордны 14 давхарт "Өрхийн анагаах ухааны тулгамдсан асуудлууд" эрдэм шинжилгээний бага хурал болно.

Т.АНУ