Английн PFA буюу Мэргэжлийн хөлбөмбөгчдийн холбооны оны шилдэг тоглогчийн шагналын өрсөлдөөнд дөрвөн тоглогч тунан үлджээ. Тэдгээр нь “Манчестер Юнайтед” клубын довтлогч Уейн Рүүни, “Арсенал”-ын хагас хамгаалагч Сеск Фабрегас, “Челси”-гийн довтлогч Дидье Дрогба болон “Манчестер Сити” клубын Карлос Тевез нар юм. Түүнчлэн Рүүни, Фабрегас нар мөн оны шилдэг залуу тоглогч номинацид нэр дэвшсэн бөгөөд тэдний хамт “Астон Вилла” клубын хагас хамгаалагч Жеймс Милнер, “Бирмингхэм Сити”-гийн хаалгач Жое Харт нар өрсөлдөж байна.
Энэ улирлын тоглолтод 34 гоол оруулаад байгаа Рүүни энэ жилийн PFA-ын шилдэг тоглогчийн шагнал хүртэх хамгийн өндөр магадлалтай юм. Сонирхуулахад, сүүлийн гурван жил дараалан энэхүү нэр хүндтэй шагналыг “МанЮ”-гийн тоглогчид хүртжээ. Тодруулбал, 2007, 2008 онд дэлхийн хамгийн үнэтэй хөлбөмбөгч Криштиан Рональду, харин өнгөрсөн жил Рьян Гиггс шилдэг хөлбөмбөгчөөр тодорсон юм.

С.Цэлмэг